Business News

ប្តឹងទារសំណងពីគម្រោង៤២ជាន់

19/06/2013 ក្រុមហ៊ុន ឌូ បេស ខ្មែរ ខូលអិលធីឌី (Do Best Khmer Co.,Ltd) របស់កូរ៉េខាងត្បូង ជាក្រុមហ៊ុនម៉ៅការបន្តរបស់គម្រោងអគារ៤២ជាន់ប្តឹងទាមទារសំណងពី ម្ចាស់គម្រោងអគារនេះ។
អគារដែលមានតម្លៃ២៤០លានដុល្លារ ត្រូវបានផ្អាកដំណើរការសាងសង់មិនមានពេលកំណត់ដោយសារបញ្ហាហិរញ្ញវត្ថុ។

http://sophirom.files.wordpress.com/2010/09/22.jpg

ក្រុមហ៊ុន ឌូ បេស ខ្មែរ ខូលអិលធីឌី បានដាក់ពាក្យបណ្ដឹងទៅសាលាដំបូងរាជធានីសុំឲ្យចេញដីការក្សា ការពារសម្រេចរឹបអូសយកជាបណ្ដោះអាសន្ននូវទ្រព្យសកម្មក្រុមហ៊ុន Hanil Engineering & Construction និង Yon Woo (Cambodia) Co.,Ltd ដើម្បីទូរទាត់សងបំណុលឲ្យខ្លួន។
យោងតាមពាក្យបណ្ដឹងដែលបានដាក់ជូនទៅតុលាការកាលពីថ្ងៃទី៧ ខែមិថុនា ដែលភ្នំពេញ ប៉ុស្ដិ៍ទទួលបានកាលពីថ្ងៃព្រហស្បតិ៍បញ្ជាក់ថាក្រុមហ៊ុន Do Best បានចុះកិច្ចព្រមព្រៀងលើកដំបូងដើម្បីផ្គត់ផ្គង់សម្ភារសំណង់ក្នុង ការសាងសង់កាលពីថ្ងៃទី៣១ ខែឧសភា ឆ្នាំ២០១០ជាមួយក្រុមហ៊ុន Hanil Engineering & Construction និងក្រុមហ៊ុន Yon Woo (Cambodia) មានទឹកប្រាក់ចំនួន ៨៦៣ ៥០០ដុល្លារ។
ក្នុងចំនួននេះកូនបំណុលបានសងចំនួន ៦៥១ ៨៨៧ ដុល្លារអាមេរិក និងនៅសល់២១១ ៦១៣ដុល្លារទៀត។
លោក ឡេង ស៊ូហួត មេធាវីនៃការិយាល័យមេធាវីនៅក្រុមហ៊ុនមេធាវី P&A Asia Law Firm និងតំណាងឲ្យក្រុមហ៊ុន Do Best បានឲ្យដឹងថា៖ «ខ្ញុំជឿថាចុងចម្លើយពុំមានប្រាក់សងមកក្រុមហ៊ុន Do Best ក្នុងទឹកប្រាក់សរុប ៤៧៦ ៣០១,១ដុល្លារនោះទេ។ ដូច្នេះមធ្យោបាយគឺរឹបអូសអចលនវត្ថុលក់ឡាយឡុងយកប្រាក់មកសងបំណុល ។ ដើម្បីចាត់វិធានការការពារនូវផលប្រយោជន៍ខ្ញុំចាំបាច់ត្រូវតែស្នើ សុំចេញដីកាសម្រេចរក្សាការពារឃាត់ទុកទ្រព្យសម្បត្តិ ទាំងអស់ខាងលើជាបណ្ដោះអាសន្នសិន ទម្រាំតុលាការសម្រេចដល់រឿងអង្គសេចក្ដីចប់ជាស្ថាពរ»។
លោក Kim Tae Yun ជំនួយការអ្នកគ្រប់គ្រងនៅ Gold Tower 42 ប្រាប់ភ្នំពេញ ប៉ុស្ដិ៍ថា លោកមិនបានដឹងពីការចេញដីកាប្រឆាំងក្រុមហ៊ុនលោកទេ។
លោក ឡេង ស៊ូហួត បានប្រាប់ភ្នំពេញ ប៉ុស្ដិ៍កាលពីម្សិលមិញថា លោកទើបតែទទួលបានលិខិតនោះពីតុលាការនៅប៉ុន្មានថ្ងៃចុងក្រោយនេះ ដើម្បីធ្វើការកែប្រែខ្លះក្នុងពាក្យបណ្ដឹងនេះ។ លោកបន្តថា៖ «យើងនឹងពិភាក្សាជាមួយនឹងកូនក្តីពីអ្វីដែលពួកគេចង់បានដើម្បី បន្តពាក្យបណ្ដឹងនេះ។ វានឹងមិនត្រូវការច្រើនទេយើងអាចដាក់ពាក្យបណ្ដឹងជាថ្មីម្ដងទៀត ក្នុងពេលឆាប់ៗនេះ»។
មិនអាចទាក់ទង លោក យូ ប៊ុណ្ណា ចៅក្រម នៅសាលាដំបូងរាជធានីភ្នំពេញបានទេកាលពីម្សិលមិញ៕ដកស្រង់ពីភ្នំពេញប៉ុស៌្ត

Read more »

ប្រធាននាយកប្រតិបត្តិបង្ហាញពីភាពខ្លាំងនិងឈានមុខគេរបស់ធនាគារកាណាឌីយ៉ា

No comments

19/06/2013

http://magictravelblog.com/wp-content/uploads/2012/08/Canadia-Bank-Battambang-Cambodia.jpg

ធនាគារកាណាឌីយ៉ា ត្រូវបានកត់សម្គាល់ជាសាធារណៈ ថាជាធនាគារពាណិជ្ជដ៏ធំមួយ គួរជាទី ទុកចិត្ត និងឈានមុខគេនៅក្នុងឧស្សាហកម្មធនាគារនៃប្រទេសកម្ពុជា ហើយក៏ជាធនាគារមួយដែលគោរពតាមបទដ្ឋានខ្ជាប់ខ្ជួន និងមានភាពទន់ភ្លន់នៅក្នុងការថែរក្សាអតិថិជនចាស់ និងការស្វែងរកទីផ្សារថ្មីរបស់ខ្លួន។
អ្វីៗទាំងអស់នេះគឺជាបច្ច័យនៃការគ្រប់គ្រងពោរពេញដោយបទ ពិសោធ និងទេពកោសល្យខ្ពស់ ហើយវាបានឆ្លុះបញ្ចាំងអំពីភាពខ្លាំងនៃពាណិជ្ជសញ្ញារបស់ «កាណាឌីយ៉ា» ប្រកបដោយភាពរស់រវើក។ នេះបើយោងតាមការពន្យល់របស់ លោក Datuk Michael Lor ។
លោក Datuk Micheal Lor ប្រធាននាយកប្រតិបត្តិនៃធនាគារកាណាឌីយ៉ា បានឲ្យដឹងថា ដូចអ្នកគ្រប់គ្នាបានដឹងហើយថា ធនាគារកាណាឌីយ៉ា គឺជាធនាគារដ៏មានសក្តានុពល មានមូលធនធំ មានប្រវត្តិចាស់ទុំជាងគេនៅក្នុងវិជ្ជាជីវៈ និងមានសកម្មភាពសេវាកម្មខ្លាំងក្លា ដើម្បីផ្តល់នូវភាពសម្បូរបែបផ្នែកហិរញ្ញវត្ថុដល់អតិថិជនទូទៅ។
ឆ្លងកាត់បទពិសោធជាង២០ ឆ្នាំកន្លងមក ធនាគារកាណាឌីយ៉ា បានបន្តធ្វើការអភិវឌ្ឍរីកចម្រើនជារៀងរាល់ឆ្នាំប្រកបដោយ និរន្តរភាព។ «អ្វីដែលប្រសើរនោះគឺយើងស្ថិតនៅលើទិសដៅរីកចម្រើន មានប្រាក់ចំណូលក្នុងកម្រិតសមស្របនឹងដើមទុនដ៏ស្តុកស្តម្ភរបស់ ខ្លួន» នេះបើតាម ប្រសាសន៍របស់លោក Lor។
លោក Lor បានបញ្ជាក់ថា៖«យើងធ្វើដំណើរតាមមាគ៌ារបស់ខ្លួនឆ្ពោះទៅកាន់គោដៅមួយច្បាស់លាស់»។
លោក Lor បន្តថា បច្ចុប្បន្ននេះធនាគារកាណាឌីយ៉ា នៅតែរក្សាកេរ្តិ៍ឈ្មោះជាធនាគារពាណិជ្ជសាធារណៈធំជាងគេដដែល និងជាទីទុកចិត្តបំផុតនៅក្នុងប្រទេសកម្ពុជា។
«អតិថិជន និងធនាគារដៃគូ របស់កាណាឌីយ៉ា គឺជាប្រជាជននៅក្នុងស្រុក និងនៅលើពិភពលោក។ អតិថិជនយល់យ៉ាងច្បាស់អំពីការរីកចម្រើនរបស់កាណាឌីយ៉ា និងខ្លួនគាត់ផ្ទាល់ ហើយសុពលភាពនៃទំនាក់ទំនងរវាងធនាគារ និងពាណិជ្ជករកាន់តែសកម្មឡើងថែមទៀត»។
លោក Lor បញ្ជាក់ថា «ធនាគារកាណាឌីយ៉ា គឺជាធនាគារក្នុងស្រុករបស់ប្រទេសកម្ពុជា ដែលបានផ្សារភ្ជាប់ទៅនឹងការអភិវឌ្ឍសេដ្ឋកិច្ចជាតិកម្ពុជា វប្បធម៌ ការរស់នៅ និងស្ថិតនៅជាមួយប្រជាជនកម្ពុជាគ្រប់កាលៈទេសៈ។ យើងស្ថិតនៅទីនេះជានិច្ចជាមួយអតិថិជន»។
លោកបន្តថា នៅពាក់កណ្តាលឆ្នាំនេះ ធនាគារកាណាឌីយ៉ា នឹងបង្កើនសាខាទីស្នាក់ការធំៗរបស់ខ្លួនដល់ចំនួន៤៨ទីតាំង ហើយយើងក៏មានម៉ាស៊ីន ATM ជាង ៨០គ្រឿង នៅទូទាំងប្រទេសកម្ពុជា។
លោក Lor មានប្រសាសន៍ថា៖«គោលបំណងរបស់យើង គឺផ្តល់សេវាកម្មដល់ទីកន្លែងដែលអតិថិជនរបស់យើងកំពុងរស់នៅ ទោះបីជានៅខេត្តដាច់ស្រយាលណាមួយក៏ដោយ»។
លោកថ្លែងថា ទៅថ្ងៃអនាគតដ៏ខ្លីខាងមុខនេះ ធនាគារនឹងសម្ពោធដាក់ឲ្យប្រើប្រាស់នូវសេវាកម្មធនាគារតាមប្រព័ន្ធ អ៊ីនធឺណិត សេវាកម្មថ្មីនេះនឹងផ្តល់ជាទូទៅទាំងអតិថិជនជាបុគ្គល និងជាដៃគូពាណិជ្ជកម្មធំៗ»។
ធនាគារដ៏ធំមួយនេះ បានរក្សាអត្រាចរាចរណ៍សេវាកម្មផ្តល់ប្រាក់កម្ចី និងប្រាក់បញ្ញើក្នុងរង្វង់ ៦៩ភាគរយ ចំណែកឯការទូទាត់ជម្រះបញ្ជីចាស់គឺមានប្រមាណ ១៧,៣ភាគរយ។
យោងតាមរបាយការណ៍បូកសរុបកាលពីខែធ្នូឆ្នាំ២០១២ របស់ធនាគារកាណាឌីយ៉ា ភីអិលស៊ី បានឲ្យដឹងថា កំណើនសេវាកម្មបញ្ញើប្រាក់របស់ធនាគារនេះ កើនឡើង២២ភាគរយ ស្មើនឹង១,២៨ពាន់លានដុល្លារអាមេរិក។ ចំណែកសេវាកម្មផ្តល់ប្រាក់កម្ចីក៏មានអតិថិជនកើនឡើង២០ភាគរយ ស្មើនឹងទឹកប្រាក់៨៨០លានដុល្លារ។
លោក Lor បានបន្តថា ខណៈពេលបច្ចុប្បន្នមានការប្រកួតប្រជែងច្រើននៅក្នុងឧស្សាហកម្ម ហិរញ្ញវត្ថូនេះ ធនាគារកាណាឌីយ៉ា នៅតែរក្សាលំនឹងកំណើនផ្នែកសេវាសម្បទានជាអាទិភាព ប្រកបដោយគុណភាពខ្ពស់។ បើយើងធ្វើការប្រៀបធៀបប្រាក់ចំណូលរបស់យើងរវាងឆ្នាំ២០១១ និង២០១២ គឺតួលេខកំណើនបានកើនឡើងស្មើនឹង៣៥ភាគរយ គឺប្រហាក់ប្រហែល៧០លានដុល្លារ។ បើនិយាយពីមូលធនសកម្មរបស់ធនាគារកាណាឌីយ៉ា គឺមានកំណើនប្រចាំឆ្នាំ២៣ភាគរយ ស្មើនឹង១,៥៦ពាន់លានដុល្លារអាមេរិក។
ប្រធាននាយកប្រតិបត្តិរូបនេះបានពន្យល់អំពីប្រាក់ចំណូលរបស់ ធនាគារថា បើគេយកថ្លៃដើមធៀបនឹងសមាមាត្រចំណូលរបស់ធនាគារឃើញថាមានការកើន ឡើង៧ភាគរយ។
ដោយមានចំណាត់ការប្រកបដោយប្រសិទ្ធភាពទៅលើប្រាក់កម្ចីខុស ច្បាប់នោះសមាមាត្រ NPL មានលក្ខណៈល្អធ្លាក់មកនៅត្រឹមអត្រា៤,៥ភាគរយ បើធៀបនឹងចំណាត់ការដូចគ្នានៅរយៈពេលមួយឆ្នាំមុនដែលមានអត្រា ៥,៣ភាគរយ។
ការសងបំណុលរបស់យើងបានកើនឡើងដល់អត្រាជិត១៩ភាគរយដែលខ្ពស់ ជាងទិសដៅកំណត់និងខ្ពស់ជាងការសងបំណុលរយៈពេលពីរឆ្នាំមុន។លោក Datuk Micheal Lor បានអះអាងថា ប្រាក់ចំណេញសុទ្ធរបស់កាណាឌីយ៉ាសម្រាប់បានកើនឡើង៦៣ភាគរយបើធៀប នឹងឆ្នាំ២០១១»។
ដកស្រង់ពីភ្នំពេញប៉ុស៌្ត

Read more »

គ្រឹះស្ថានមីក្រូហិរញ្ញវត្ថុហត្ថាកសិករ រីករាយជាមួយជោគជ័យរបស់ខ្លួន

No comments

http://4.bp.blogspot.com/-7HpgYtEoAkM/UAfLhJTzTGI/AAAAAAAABNQ/yxNqEjfr-n8/s1600/IMG_0657.JPG

19/06/2013កាលពីពេលថ្មីៗនេះនៅឯទីរួមខេត្តរតនគិរី គ្រឹះស្ថានមីក្រូហិរញ្ញវត្ថុហត្ថាកសិករ បានប្រារព្ធសន្និបាតប្រចាំឆ្នាំរបស់ខ្លួន ដើម្បីអបអរសាទរអំពីសមិទ្ធផលឆ្នាំកន្លងមក និងប្រកាសអំពីគម្រោងសេវាកម្មថ្មីៗសម្រាប់ផ្តល់ជូនអតិថិជនរបស់ ខ្លួន ដូចជាកម្ចីសម្រាប់គម្រោងដែលមិនមានផលប៉ះពាល់ដល់បរិស្ថាន និងកម្ចីសម្រាប់សិស្ស-និស្សិតបន្តការសិក្សានៅថ្នាក់ឧត្តមសិក្សា ជាដើម។
លោក ហួត អៀងតុង ប្រធានអគ្គនាយក ហត្ថាកសិករ លីមីតធីត បានឲ្យដឹងថា ដើម្បីឆ្លើយតបទៅនឹងការគាំទ្រ ក៏ដូចជាតម្រូវការរបស់អតិថិជនរបស់យើង ហត្ថាកសិករបានបង្កើតនូវផលិតផលថ្មីៗមួយចំនួនសម្រាប់ផ្តល់ជាកម្ចី ដល់ពួកគាត់ក្នុងទ្រង់ទ្រាយយូរអង្វែង គឺកម្ចីសម្រាប់គម្រោង Green Loan ជាគម្រោងដែលមិនប៉ះពាល់ដល់បរិស្ថាន និងគម្រោង Student Loan សម្រាប់ផ្តល់ដល់សិស្ស-និស្សិតបន្តការសិក្សានៅថ្នាក់ឧត្តមសិក្សា ។ គម្រោងថ្មីនេះមាន កម្រិតអត្រាការប្រាក់ចន្លោះពី ១,៤ ទៅ១,៦ភាគរយប៉ុណ្ណោះ។
«គ្រាន់តែយើងបង្ហើបអំពីផលិតផលថ្មីៗនេះភ្លាម យើងទទួលបានអតិថិជនកក់ទុកមួយចំនួនរួចជាស្រេច។ ពួកគាត់ចាប់អារម្មណ៍ខ្លាំងលើគម្រោងថ្មីទាំងពីរនេះ» នេះបើតាមប្រសាសន៍របស់លោក អៀងតុង។ «សម្រាប់គម្រោងបើកគណនេយ្យសន្សំប្រាក់របស់យើង មានកំណើនអតិថិជនរហូតដល់ ៧០ភាគរយ នេះគឺជាមោទនភាពរបស់គ្រឹះស្ថានមីក្រូហិរញ្ញវត្ថុហត្ថាកសិករ ហើយយើងសង្ឃឹមថា គម្រោងថ្មីទាំងពីររបស់យើងនឹងទទួលបានការគាំទ្រដូច្នេះដែរ»។
ចំពោះលក្ខខណ្ឌសម្រាប់គម្រោងថ្មីទាំងពីរនេះ គឺពុំមានអ្វីស្មុគស្មាញច្រើននោះទេ ព្រោះហត្ថាកសិករ និងអតិថិជនជឿជាក់លើគ្នាទៅវិញទៅមក។
«ជាគន្លឹះជោគជ័យរបស់ហត្ថាកសិករ គឺយើងប្រតិបត្តិការទៅតាមផែនការយុទ្ធសាស្រ្តរបស់ខ្លួនបានត្រឹម ត្រូវហើយអ្វីដែលសំខាន់នោះគឺយើងបន្តការថែរក្សាអតិថិជនប្រកបដោយ ប្រសិទ្ធភាពខ្ពស់» នេះបើតាមសម្តី របស់លោក អៀងតុង។ «យើងដឹងគុណអតិថិជន ព្រោះអតិថិជនគឺជាអ្នកធ្វើឲ្យហត្ថាកសិករមានការអភិវឌ្ឍហើយយើងចង់ បានការរីកចម្រើនបន្តទៀត សម្រាប់យើងទាំងអស់គ្នា»។
នៅក្នុងឆ្នាំ២០១៣ នេះ ហត្ថាកសិករកំពុងរៀបចំបើកការិយាល័យរបស់ខ្លួនបន្ថែមចំនួន១៥ទីតាំង ទៀត នៅទូទាំងប្រទេស ដើម្បីឆ្លើយតបទៅនឹងតម្រូវការរបស់អតិថិជន។
«ទស្សនវិស័យរបស់ហត្ថាកសិករ គឺយើងនាំយកសេវាកម្មផ្តល់កម្ចីឥណទានរបស់ខ្លួនទៅដល់មូលដ្ឋានរបស់ កសិករ និងពាណិជ្ជករទាំងឡាយ» នេះបើតាមប្រសាសន៍របស់លោក អៀងតុង។ «ការពង្រីកបន្ថែមចំនួនការិយាល័យរបស់យើងវានឹងផ្តល់ភាពរីកចម្រើន កាន់តែប្រសើរដល់ប្រជាកសិករ។ នៅពេលណាគាត់ត្រូវការជំនួយបន្ថែមពីយើង ពួកគាត់ពុំចាំបាច់ចំណាយពេលវេលាច្រើន ឬធ្វើដំណើរឆ្ងាយឡើយ»។
លោក ហួត អៀងតុង បានរំឭកថា អំពីផែនការបំពាក់បន្ថែមចំនួនម៉ាស៊ីនដកប្រាក់ ATM របស់ស្ថាប័នមីក្រូហិរញ្ញវត្ថុហត្ថាកសិករកាលពីដើមឆ្នាំនោះ និងរហូតមកដល់ពេលនេះ យើងបានរៀបចំទីតាំងសម្រាប់ដាក់ម៉ាស៊ីនអេធីអឹមទាំង ២០គ្រឿង នោះរួចរាល់អស់ហើយ ហើយយើងរង់ចាំតែម៉ាស៊ីនដែលនឹងមកដល់ពីប្រទេសក្រៅនាពេលឆាប់ៗ នេះតែប៉ុណ្ណោះ បន្ទាប់មកយើងនឹងដំឡើងពួកវាភ្លាម៕ដកស្រង់ពីភ្នំពេញប៉ុស៌្ត

Read more »

ANZ official on Cambodia’s banks

No comments

11/06/2013In Cambodia, personal banking services are expanding and customers are increasingly expecting more out of the institution that handles their money. One of the key players in the country is ANZ Royal Bank, a joint venture between Australia and New Zealand Banking Group Limited and Cambodia’s Royal Group of Companies. Anne Renzenbrink sat down with ANZ’s managing director for retail banking in the Asia Pacific, Sanjoy Sen, to get a fuller picture of retail banking.

Where would you say Cambodia stands compared to other ASEAN countries?

If you look at our ANZ retail business in the Asia Pacific, we can cluster the countries into some markets which are very evolved and developed, such as Singapore, Taiwan and Hong Kong. I would put Cambodia as a very strong emerging market. It is a strong area of focus for us. From a retail perspective, I think that consumer spending in Cambodia is significantly lower and lags behind other ASEAN markets. Spending on groceries, jewelry, travel, tourism, vehicle purchases, it’s growing, but it’s still behind markets like Indonesia by significant proportions, not just 10 per cent behind, but multiples behind.

What about the level of progress in the sector? Where can improvements be made?

There has been robust GDP growth, a young population, people are getting more educated and employment levels are high. Where there is less progress is investment in infrastructure, which is really something that spurs the growth of the economy. The percentage of people that are banked in Cambodia is significantly lower and lagging behind many other markets. Cambodia still has to make progress when it comes to equity markets, stock exchange, wealth management products and insurance. These are very basic products. We are getting there, but still steps behind.

How will ANZ try to steer its customers into plastic rather than keeping cash under the pillow?

This is very much a cash economy. As in many of the emerging markets, people are very wary about using credit cards. Our role as pioneers is to educate customers and increase the usage of cards, explain to customers that cards are actually a convenient way of paying, rather than using cash. Because whether it’s cards, whether it’s opening an account, whether it’s giving loans, whether its mortgages, you have to build trust.

How would you compare the challenges of the more developed markets with Cambodia’s?

Let’s take, specifically, challenges between Indonesia and Cambodia because we have a large retail business in Indonesia. The revenue pool in Indonesia is much bigger because all product lines are there, there is investment, there is insurance, there is a stock market, mutual funds. The challenge is, because the revenue pool is bigger, there is that much more stiff competition. In a market like Cambodia, we have a leadership position. And when you educate the customers in that process, customer loyalty is easier achieved than in places like Indonesia because there are so many choices there and the customers are so savvy that they keep switching. To get customer satisfaction is tougher; to get loyalty from customers is tougher. Another challenge is that the customer’s expectation benchmark is much higher. You cannot in any of those other markets expect the customer to wait for 45 minutes to withdraw money. Here, you can.

What do you expect will happen to the retail banking sector and the banking sector in general in Cambodia?

Banking penetration has to go up. More and more people will open bank accounts, companies will refuse to pay by cash. As wages increase and salaries increase it will be important for people to have bank accounts. At the same speed as banking penetration goes up, I think there will be a leapfrog effect with the internet and mobile revolutions, and that’s what I’ve seen in emerging markets. Because there are customers that have [a] mobile but they don’t have a bank account. In the past it was a very step by step process. The customer would first go to the branch, then get educated about internet or how to use a mobile. I think in a market like Cambodia, retail banks with strong internet and mobile strategies will be successful. That’s part of our strategy too.[cam111]

Read more »

ក្រុមហ៊ុនតៃវ៉ាន់ នឹងចុះបញ្ចីក្នុងផ្សារហ៊ុនកម្ពុជាមុនការបោះឆ្នោត

No comments

11/6/2013 បន្ទាប់ពីការចុះបញ្ជីរបស់ក្រុមហ៊ុនកាត់ដេររដ្ឋតៃវ៉ាន់ Grand Twins International (Cambodia) Plc ក្នុងផ្សារហ៊ុនកម្ពុជាត្រូវបានពន្យារពេលភ្នាក់ងារធានាទិញមូលបត្រ របស់ក្រុមហ៊ុននេះបានឲ្យដឹងកាលពីម្សិលមិញថា ពួកគេសង្ឃឹមថា ក្រុមហ៊ុននេះអាចចុះបញ្ជីមុនពេលការបោះឆ្នោត។

ក្រុមហ៊ុន ធានាទិញមូលបត្រ ភ្នំពេញ ស៊ីឃ្យួរីធី ភីអិលស៊ី (PPS) បានឲ្យដឹងថា ការចរចារវាងក្រុមហ៊ុន និងគណៈកម្មាការមូលបត្រកម្ពុជា(SECC)ស្ដីពីតម្លៃនៃការបោះផ្សាយ មូលបត្រលក់ជាលើដំបូង(IPO) ត្រូវបានបញ្ចប់ហើយនៅពេលនេះ។
លោកបន្តថា៖ «យើងសង្ឃឹមថា ពួកគេអាចឡើងផ្សារហ៊ុនមុនការបោះឆ្នោត យើងនៅតែត្រូវធ្វើការច្រើន យើងខិតខំឲ្យអស់ពីសមត្ថភាព»។
កាលពីខែកុម្ភៈ ក្រុមហ៊ុន Grand Twins International និយាយថា ខ្លួនមានបំណងដើម្បីចុះបញ្ជីក្នុងផ្សារហ៊ុនកម្ពុជានៅខែមីនា។ ខណៈពេលនេះ ភ្នំពេញ ស៊ីឃ្យូរីធី បានឲ្យដឹងថា ក្រុមហ៊ុននេះនឹងដាក់លក់ភាគហ៊ុនចំនួន១២លានហ៊ុន ក្នុងតម្លៃ០,២៥ដុល្លារក្នុងមួយហ៊ុន។ កាលពីម្សិលមិញ ភ្នំពេញ ស៊ីឃ្យូរីធី និយាយថា Grand Twins International បានចរចាជាមួយ SECC អំពីតម្លៃ IPO ដែលខ្ពស់ជាងតម្លៃដែល SECC បានយល់ព្រម។ លោកបន្តថា ពេលនេះពួកគេបានយល់ព្រមលើតម្លៃដោយមិនមានការបង្ហាញឲ្យដឹងពី ចំនួនពិតនោះទេ។
អ្នកចូលរួមទីផ្សារដ៏សកម្មរបស់ CSX បានឲ្យដឹងថា ស្ថានភាពដែលមានស្រាប់ទាក់ទងនឹង Grand Twins International មានបញ្ហាផ្នែករដ្ឋបាលនិងការបំពេញឯកសារជាច្រើនដែលក្រុមហ៊ុនធានា ទិញមូលបត្រកំពុងព្យាយាមបញ្ចប់ប្រមូលឯកសារនេះ។
មិនអាចទាក់ទងលោក មិញ បានកុសល អគ្គនាយក SECC បានទេពីថ្ងៃម្សិលមិញ។
កាលពីថ្ងៃចន្ទ លោក លូ គឹមឈុន អគ្គនាយកកំពង់ផែក្រុងព្រះសីហនុបានប្រាប់ ភ្នំពេញ ប៉ុស្ដិ៍ថា ក្រុមហ៊ុននេះគឺនៅតែកំពុងធ្វើការជាមួយ ភ្នំពេញស៊ីឃ្យួរីធី លើគម្រោង IPO របស់ខ្លួន។
លោកបន្តថា៖ «យើងទទួលបានការរីកចម្រើនច្រើនលើគម្រោងនេះ។ ពេលនេះអ្វីៗ កំពុងមានភាពរលូន»។ ប៉ុន្តែលោកមិនបានបង្ហាញពីកាលបរិច្ឆេទនៅពេលណាដែលខ្លួននឹងធ្វើ ការចុះបញ្ជីនោះទេ យើងមិនទាន់កំណត់ពេលវេលាច្បាស់លាស់នៅឡើយទេ តែយើងនឹងព្យាយាមឲ្យអស់ពីសមត្ថភាពដើម្បីធ្វើវាឲ្យឆាប់តាមតែ អាចធ្វើទៅបាន»៕ដកស្រង់ពីភ្នំពេញប៉ុស៌្ត

Read more »

អ្នកជំនាញបារម្ភពីការវាយប្រហារតាមប្រព័ន្ធកុំព្យូទ័រមកលើប្រព័ន្ធធនាគារ

No comments

11/06/2013ក្រុមការងារជាតិកម្ពុជាទប់ទល់នឹងបញ្ហាបន្ទាន់នៃ កុំព្យូទ័រCamCert បាននិយាយកាលពីម្សិលមិញក្នុងសន្និសីទធនាគារនិងមីក្រូហិរញ្ញវត្ថុ កម្ពុជាលើកទី៥ថា ការវាយប្រហារតាមរយៈអ៊ីនធឺណិតកំពុងតែកើតមានឡើងមកលើប្រព័ន្ធ ធនាគារយ៉ាងទូលំទូលាយដែលអាចបង្កឲ្យមានការគំរាមកំហែងដល់វិស័យ ធនាគាររបស់កម្ពុជា។
លោក អ៊ូ បញ្ញារិទ្ធ ប្រធានCamCertបាននិយាយថាការកើនឡើងនូវបទឧក្រិដ្ឋអ៊ីនធឺណិតធ្វើឲ្យ គ្រោះថ្នាក់ដល់បណ្ដាញធនាគារទូទាំងពិភពលោករួមទាំងកម្ពុជាដែលមាន សុវត្ថិភាពអ៊ីនធឺណិតទន់ខ្សោយនៅតាមធនាគារ។លោកបន្តថា៖«ធនាគារ ជាច្រើននៅកម្ពុជាកំពុងទទួលការគំរាមកំហែងកាន់តែច្រើនឡើងៗពីការ វាយប្រហាររបស់អ្នកប្រើប្រាស់ប្រព័ន្ធកុំព្យូទ័ររបស់អ្នកដទៃដែលជា បទឧក្រិដ្ឋអ៊ីនធឺណិតនិងសូម្បីតែនៅតាមប្រទេសផ្សេងទៀត។ ពួកគេធ្វើការវាយប្រហារដើម្បីប្រាក់ឬនយោបាយ»។
របាយការណ៍២០១៣របស់M-Trendsឲ្យដឹងថា ការវាយប្រហារតាមអ៊ីនធឺណិតចំពោះវិស័យហិរញ្ញវត្ថុទូទាំងពិភពលោកមាន ១១ភាគរយហើយអ្នកជំនាញខាងសុវត្ថិភាពអ៊ីនធឺណិតនៅក្រុមហ៊ុនKaspersky Labថ្មីៗនេះបង្ហាញថាកម្ពុជាកំពុងស្ថិតក្រោមការវាយប្រហារដោយ មេរោគកុំព្យូទ័រមួយចំនួន។
កាលពីពាក់កណ្ដាលខែមិថុនាឆ្នាំ២០១២ធនាគារជាតិនៃកម្ពុជាត្រូវ បានលុកចូលហើយព័ត៌មានជាច្រើនរួមទាំងឈ្មោះអ្នកប្រើប្រាស់ខាង រដ្ឋបាលនិងលេខកូដត្រូវធ្លាយចេញ។
កាលពីខែកញ្ញាឆ្នាំ ២០១២គេហទំព័រក្រសួងការបរទេសកម្ពុជាត្រូវបានវាយប្រហារតាមប្រព័ន្ធ អ៊ីនធឺណិត ហើយឯកសារជាច្រើនពីអង្គការរដ្ឋាភិបាលផ្សេងៗគ្នាត្រូវបានធ្លាយចេញ ។
ប៉ុន្តែប្រធានប្រតិបត្តិធនាគារជាច្រើនមានអារម្មណ៍ជឿជាក់អំពីសុវត្ថិភាពអ៊ីនធឺណិតរបស់វិស័យធនាគារកម្ពុជា។
លោក Grant Knuckey អគ្គនាយកធនាគារANZ Royalនិយាយថា សុវត្ថិភាពប្រព័ន្ធអ៊ីនធឺណិតមានបញ្ហាប្រឈមប៉ុន្តែមានទំនុកចិត្ត ក្នុងការការពាររាល់ការវាយប្រហារតាមរយៈអ៊ីនធឺណិត។
លោកបន្តថា៖«យើងមានកម្មវិធីសុវត្ថិភាពរបស់យើងក្នុងការ ត្រួតពិនិត្យពីអត្តសញ្ញាណរបស់អតិថិជនម្នាក់ៗនិងមានការការពារយ៉ាង តឹងរ៉ឹងក្នុងចំណោមព័ត៌មាននិងភាពជាឯកជន»។លោកបន្តថា ANZ Royalអាចធ្វើឲ្យប្រសើរនូវប្រព័ន្ធសុវត្ថិភាពអ៊ីនធឺណិតនៅចុងឆ្នាំ នេះ៕ដកស្រង់ពីភ្នំពេញប៉ុស៌្ត

Read more »

នាយករដ្ឋមន្ត្រីបានរិះគន់សំណើរបស់បក្សប្រឆាំងដែលស្នើឲ្យធនាគារពាណិជ្ជបន្ទាបអត្រាការប្រាក់

No comments

20/5/2013លោកនាយករដ្ឋមន្រ្តី ហ៊ុន សែន កាលពីថ្ងៃពុធ បានរិះគន់គណបក្សប្រឆាំងដែលបានស្នើឲ្យមានការបន្ទាបអត្រាការ ប្រាក់នៅធនាគារពាណិជ្ជទៅដល់កសិករ។

ការលើកឡើងបែបនេះរបស់មន្ត្រីបក្សប្រឆាំងត្រូវបានលោកនាយករដ្ឋ មន្រ្តីរិះគន់នៅក្នុងពិធីបើកដំណើរការរោងចក្រកែច្នៃកៅស៊ូ ថ្មីមួយនៅក្នុងខេត្តស្ទឹងត្រែង ដោយលោកបានលើកឡើងថា ពាក្យសម្ដីមិនត្រូវនឹងការអនុវត្តទីផ្សារនិងស្ថានភាពពិតក្នុង សេដ្ឋកិច្ចកម្ពុជាបច្ចុប្បន្ន។
លោក យឹម សុវណ្ណ សមាជិករដ្ឋសភាគណបក្សសមរង្ស៊ី បាននិយាយថា ធនាគារពាណិជ្ជនៅកម្ពុជាយកការប្រាក់ខ្ពស់ពីអតិថិជន។ ប្រសិនបើប្រៀបធៀបជាមួយបណ្ដាប្រទេសផ្សេងៗ ការប្រាក់នេះគឺមានអត្រាខ្ពស់។
លោកបន្តថា៖ «រហូតមកដល់ពេលនេះអត្រាការប្រាក់គឺ៣ភាគរយក្នុងមួយខែដែលជា អត្រាខ្ពស់បំផុតនៅក្នុងពិភពលោក។ អ្នកអាចសម្លឹងមើលទៅថៃ វៀតណាម គេអាចខ្ចីនូវអត្រាការប្រាក់ទាបបំផុត។ ពេលនេះអ្នកអាចមើលឃើញថា នៅតាមធនាគារពាណិជ្ជឧកញ៉ាខ្លះ និងពាណិជ្ជករអាចខ្ចីក្នុងអត្រាការប្រាក់ទាបជាង១ភាគរយក្នុងមួយ ខែដោយសារពួកគេមានទ្រព្យបញ្ចាំប៉ុន្តែកសិករក៏មានទ្រព្យដាក់ ធានាដែរ។ ធនាគារទាំងនោះនិយាយថា មូលហេតុមួយដែលនាំឲ្យអត្រាការប្រាក់ខ្ពស់គឺអំពើពុករលួយនិង ការិយាធិបតេយ្យ»។
លោកបានបន្តថា៖ «យើងមិនបង្ខំឲ្យធនាគារកាត់បន្ថយអត្រាការប្រាក់ទេ។ នៅពេលយើងកាត់បន្ថយការិយាធិបតេយ្យខ្ញុំគិតថា យើងអាចកាត់បន្ថយអត្រាការប្រាក់បាន។មូលហេតុដែលនាំឲ្យមានអត្រា ការប្រាក់ខ្ពស់គឺមិនមែនមកពីតម្លៃទីផ្សារនោះទេវាកើតឡើងដោយ សារតែអំពើពុករលួយនិងការិយាធិបតេយ្យ»។
លោកនាយករដ្ឋមន្ត្រី ហ៊ុន សែនបានលើកឡើងថា ការបន្ទាបអត្រាការប្រាក់ដូច្នេះជាការសម្លាប់ធនាគារ។ លោកបន្តថា៖ «បើការប្រាក់មួយភាគរយ អាហ្នឹងនាំគ្នាសម្លាប់ធនាគារតែម្តង។ យើងត្រូវពិនិត្យថា នរណារកស៊ីឆ្កួតម៉េះ ធនាគារទទួលប្រាក់បញ្ញើ អាចឲ្យការប្រាក់ទៅគេ៥ភាគរយ...ខ្ញុំបកស្រាយពន្យល់នៃហេតុផល សេដ្ឋកិច្ចទីផ្សារទេយោងលើសេដ្ឋកិច្ទទីផ្សារ គេមិនឲ្យរដ្ឋកាន់ធនាគារពាណិជ្ជទេ»។ លោកបានបន្តថា៖ «យើងមានធនាគារជាតិ ដែលធនាគារជាតិមិនអាចឲ្យធ្វើសេវាបានទេ...បើអ្នកមានលុយយកលុយទៅ ដាក់ធនាគារ គេឲ្យ៥ភាគរយមានធនាគារខ្លះ៤ភាគរយ ខ្លះ៥,៦»។
លោកបន្តថា៖ «បើធនាគារ មានប្រភពទុនសំខាន់យកមកពីប្រាក់ដែលគេផ្ញើ ដល់ធនាគារឲ្យការប្រាក់៥ភាគរយ ហើយធនាគារយកលុយទៅចងការប្រាក់១ភាគរយវាមិនងាប់ធនាគារ អាណាទៅរកស៊ីអ៊ីចឹង»។
លោកនាយករដ្ឋមន្រ្តីបានមានប្រសាសន៍ថា បច្ចុប្បន្នរដ្ឋាភិបាលបាននិងកំពុងធ្វើការជាមួយធនាគារជាច្រើនដោយ ធានាហានិភ័យចំពោះពួកគេដើម្បីផ្ដល់ប្រាក់កម្ចីឲ្យរោងម៉ាស៊ីន ស្រូវ។
លោកបន្តថា៖«រដ្ឋាភិបាលបាននិងកំពុងធ្វើឲ្យអត្រាការចុះទាប ដែលអាចទទួលយកបាននៅក្នុងវិស័យធនាគារ។ យើងមិនអាចបង្ខំធនាគារបានទេ»។
លោក អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា ដែលជាធនាគារពាណិជ្ជធំជាងគេនៅកម្ពុជាបាននិយាយថា ធនាគារពាណិជ្ជមិនអាចយកការប្រាក់កម្ចីទាបជាងប្រាក់បញ្ញើនោះទេ។ លោកបន្តថា៖ «ប្រសិនបើប្រជាជនដាក់ប្រាក់កក់ជាមួយយើងយើងបង់ប្រាក់ការឲ្យ ពួកគេ៥ភាគរយក្នុងមួយឆ្នាំ។ យើងមិនអាចផ្ដល់ប្រាក់កម្ចីដែលយកប្រាក់ការទាបជាងប្រាក់បញ្ញើ នោះទេ។ មិនមានធនាគារក្នុងពិភពលោកអាចផ្ដល់អត្រាការប្រាក់កម្ចីទាបជាង ការប្រាក់បញ្ញើទេ សូម្បីតែនៅអាមេរិក»។
យោងតាមស្ថិតិបានពី NBC ឲ្យដឹងថា ធនាគារពាណិជ្ជទាំង៣២របស់កម្ពុជាបានផ្ដល់ប្រាក់កម្ចីចំនួន ៥,៤៩ពាន់លានដុល្លារទៅឲ្យអតិថិជនប្រមាណ១,៦លាននាក់ត្រឹមខែ វិច្ឆិកា ឆ្នាំ២០១២ ដោយកើនឡើង៣០ភាគរយធៀបនឹងឆ្នាំមុន។ ដោយឡែកខាងផ្នែកប្រាក់បញ្ញើវិញធនាគារទទួលបាន៦,០២ពាន់លានដុល្លារ ពីអតិថិជន១,៩លាននាក់ ត្រឹមខែវិច្ឆិកាឆ្នាំ២០១២ដោយកើនឡើង២៤ភាគរយធៀបនឹងឆ្នាំមុន៕ដកស្រង់ពីភ្នំពេញប៉ុស៌្ត

Read more »

Jobless Claims Key to Markets Thursday

No comments

11/04/2013

Fed watchers, and everyone else, will be watching the jobless claims number Thursday.
Weekly unemployment claims are always important and are considered one of the best current measures of the economy. But this one is more important because it will help markets decipher whether last week's surprisingly high unemployment claims number and the weak March jobs report were signaling a more worrisome weakening trend in employment.
Claims are also important because a key metric for Fed policy makers is the state of employment, and there is no monthly employment report between now and the next Fed meeting April 30.

"They don't have the advantage of having the next employment report. They'll have a little bit on the manufacturing sector…they'll have the ISM which could be important," said Deutsche Bank chief U.S. economist Jospeh LaVorgna. LaVorgna said next week's claims will be even more critical because next week is the survey week for the April jobs report, which will be released May 3.
The report also comes as the market debates just what is on the Fed's mind, after the Fed minutes revealed that several Fed officials were discussing tapering down the Fed's quantitative easing program sooner than expected. But the bad data, especially the March jobs report, has mitigated the concern in markets that the Fed would be able to end the $85 billion in monthly purchases of Treasurys and mortgage securities very soon.
The weekly claims data last week came in at an elevated 385,000, the worst level since November. That number was said to have been impacted by seasonal factors and the Easter holiday. Economists expect Thursday's report, released at 8:30 a.m. to show there were 360,000 new claims.
Last Thursday's disappointing claims report was followed by Friday's shockingly weak jobs report, with 88,000 nonfarm payrolls in March.
The four-week moving average for claims is 354,000, and LaVorgna expects the weekly number to return to that level. He also has a preliminary forecast for job growth of 190,000 nonfarm payrolls in the April employment report, which would push the three-month average to 182,000.
He also expects to see the Fed begin to taper QE during the third quarter and wind it down by year end. But other economists don't agree that the discussion in the minutes of the March 20 meeting was a precursor to an earlier than expected tapering of asset purchases.[from CNBC]

Read more »

Asia Stocks Head for Longest Winning Streak Since January

No comments

11/04/2013
Asian stocks rose for a fourth day, the longest winning streak in three months, as the yen neared 100 to the dollar after the Bank of Japan (8301) said it will maintain stimulus and loan growth in China topped estimates.

Toyota Motor Corp., the world’s largest carmaker, added 5.1 percent. Sharp Corp. (6753) jumped 7.9 percent in Tokyo as the Nikkei newspaper reported profit at the electronics manufacturer will exceed it forecasts. GS Engineering & Construction Corp. slumped 15 percent in Seoul after reporting an unexpected loss.
The MSCI Asia Pacific Index gained 1.1 percent to 137.52 as of 1:18 p.m. in Tokyo, with two stocks rising for each that fell. All 10 industry groups on the gauge advanced. The measure, poised for the highest closing level since August 2011, climbed the past five months on speculation Japan would unleash more stimulus and amid signs the U.S. economy is recovering.
“The odds are clearly stacked in favor of a continued rally in Japan,” said Mikio Kumada, Hong Kong-based global strategist for LGT Capital Management, which oversees more than $25 billion. The BOJ “has essentially scrapped existing rules and programs, replacing them with straightforward and expanded open-market purchases. This bold economic-policy shift has the potential to sustain the rebound.”[from bloomberg]

Read more »

ការធ្លាក់ថ្លៃរូបិយប័ណ្ណយ៉េនជាអាវុធសម្រាប់ក្រុមហ៊ុនជប៉ុន

No comments

30/03/2013មន្ត្រីប្រតិបត្តិជាន់ខ្ពស់ម្នាក់នៅក្រុមហ៊ុន Kia Motor Corp បានថ្លែងថា ការធ្លាក់ថ្លៃប្រាក់យ៉េនកំពុងក្លាយជា «អាវុធ» មួយសម្រាប់ក្រុមហ៊ុនផលិតរថយន្តជប៉ុនដែលធ្វើឲ្យក្រុមហ៊ុនទាំងនេះ កាន់តែមានការប្រកួតប្រជែង។

លោក Lee Soon Nam អនុប្រធានក្រុមហ៊ុន Kia Motors Corp ដែលជាក្រុមហ៊ុនផលិតរថយន្តធំទីពីររបស់កូរ៉េខាងត្បូង បានប្រាប់ក្រុមអ្នកកាសែតពីថ្ងៃម្សិលមិញនៅឯពិធីតាំងពិព័រណ៍ រថយន្តនៅទីក្រុងសេអ៊ូលថា៖ «ការធ្លាក់ថ្លៃប្រាក់យ៉េនបានជួយពង្រឹងក្រុមហ៊ុនជប៉ុន ដែលជាគូប្រកួតប្រជែង។ ការធ្លាក់ថ្លៃរបស់ប្រាក់រូបិយប័ណ្ណនេះនឹងក្លាយជាអាវុធសម្រាប់ ក្រុមហ៊ុនផលិតរថយន្តជប៉ុនដែលពួកគេឥឡូវនេះកាន់តែមានភាពរឹង ប៉ឹង»។
រូបិយប័ណ្ណជប៉ុនបានធ្លាក់ថ្លៃ១៧ភាគរយបើធៀបនឹងរូបិយប័ណ្ណវ៉ុន របស់កូរ៉េខាងត្បូងក្នុងរយៈពេល៦ខែចុងក្រោយនេះ ដោយធ្វើឲ្យតម្លៃទំនិញនាំចេញរបស់ប្រទេសជប៉ុនថោកជាងមុនបើប្រៀប ធៀបប្រទេសជិតខាងនៅអាស៊ី។ ការធ្លាក់ថ្លៃប្រាក់យ៉េនបានកើនឡើងយ៉ាងខ្លាំងគិតចាប់ពីថ្ងៃទី ៣១ ខែតុលាឆ្នាំ២០១២មកនៅពេលលោក ស៊ីនហ្សូ អាបេ ដែលបានក្លាយជានាយករដ្ឋមន្ត្រីជប៉ុនកាលពីខែធ្នូឆ្នាំមុនបាន គាំទ្រចំពោះការធ្លាក់ចុះនេះដើម្បីជួយដល់សេដ្ឋកិច្ចរបស់ប្រទេស ដែលមានសេដ្ឋកិច្ចធំបំផុតពីបីក្នុងពិភពលោកមួយនេះ។
លោក Lee Won Hee ប្រធានមន្ត្រីហិរញ្ញវត្ថុរបស់ក្រុមហ៊ុនផលិតរថយន្ត Hyundai Motor បានថ្លែងនៅក្នុងកិច្ចប្រជុំតាមទូរស័ព្ទកាលពីថ្ងៃទី២៤ ខែមករាថា ការធ្លាក់ថ្លៃប្រាក់យ៉េនធ្វើឲ្យក្រុមហ៊ុនផលិតរថយន្តជប៉ុនមាន ទីផ្សារច្រើននៅក្នុងតំបន់ជាទីដែលក្រុមហ៊ុនផលិតរថយន្តនៅកូរ៉េ ខាងត្បូងប្រកួតប្រជែងជាមួយដូចជាប្រទេសអូស្ត្រាលី និងរុស្ស៊ីជាដើម។ បើសិននិន្នាការបែបនេះនៅតែបន្តនោះវានឹងមានផលប៉ះពាល់ខ្លាំងទៅ លើលទ្ធភាពចំណេញរបស់ក្រុមហ៊ុន Hyundai។
ក្រុមហ៊ុន Morgan Stanley បានប៉ាន់ប្រមាណថា អត្ថប្រយោជន៍រូបិយប័ណ្ណនេះបានបង្កើនប្រាក់ចំណេញបាន១ ៥០០ដុល្លារក្នុងការលក់រថយន្តមួយគ្រឿងសម្រាប់ក្រុមហ៊ុនផលិតរថយន្ត របស់ជប៉ុនរីឯក្រុមហ៊ុនប្រជែងរបស់ខ្លួននៅអាមេរិកបានបង្ហាញតួលេខ ថាបានចំណេញប្រហែល៥ ៧០០ដុល្លារក្នុងមួយគ្រឿង។
ក្រុមហ៊ុនផលិតរថយន្ត Toyota Motor Corp រំពឹងថា តម្រូវរថយន្តនៅអាមេរិកទាំងរថយន្តតូចនិងរថយន្តដឹកទំនិញធុនស្រាល នឹងកើនដល់១៥,៣លានគ្រឿងនៅឆ្នាំនេះ៕ដកស្រង់ពីភ្នំពេញប៉ុស៌្ត

Read more »

ធនាគារតៃវ៉ាន់ទីពីរបានបើកសាខារបស់ខ្លួននៅកម្ពុជា

No comments

30/03/2013ធនាគារតៃវ៉ាន់ Taiwan Cooperative Bank បានបើកសាខាលើកដំបូងក្នុងទីក្រុងភ្នំពេញកាលពីម្សិលមិញដែលបាន ធ្វើឲ្យក្លាយជាធនាគារពាណិជ្ជទី៣៤និងជាធនាគារតៃវ៉ាន់ទីពីរនៅ កម្ពុជាក្រោយពីការបើកធនាគារពាណិជ្ជអន្តរជាតិរបស់តៃវ៉ាន់កាលពីខែ កញ្ញាឆ្នាំ២០១១។

វត្តមានរបស់ធនាគារតៃវ៉ាន់នៅកម្ពុជាកំពុងឆ្លុះបញ្ចាំងពីការកើន ឡើងនៃពាណិជ្ជកម្មតៃវ៉ាន់ទីនេះជាពិសេសនៅក្នុងវិស័យឧស្សាហកម្ម កាត់ដេរ។
តាមសេចក្ដីប្រកាសព័ត៌មានពីធនាគារឲ្យដឹងថាធនាគារនេះទទួលបាន អាជ្ញាប័ណ្ណពីធនាគារជាតិនៃកម្ពុជាកាលពីថ្ងៃទី៦ ខែមីនា ២០១៣ បន្ទាប់ពីការទទួលការយល់ព្រមជាគោលការណ៍នៅខែកញ្ញា។
លោក Ling-long Shen ប្រធានធនាគារតៃវ៉ាន់បានថ្លែងថា៖ «សាខានៅភ្នំពេញគឺជាការចាប់ផ្ដើមរបស់ធនាគារនេះជាការពង្រីករបស់ ខ្លួនលើឧបទ្វីបឥណ្ឌូចិន»។ លោក Shen បន្ថែមថា៖ «ធនាគារនេះនឹងការពារនិងប្រើប្រាស់បទពិសោធរបស់ខ្លួនក្នុងប្រទស កម្ពុជាដើម្បីទទួលបានការរីកចម្រើននាពេលអនាគត។ សាខាភ្នំពេញគឺជាទីតាំងដ៏រឹងមាំទីពីរក្នុងបណ្ដាប្រទេសអាស៊ាន ទាំង១០ខណៈធនាគារមានសាខាមួយរួចទៅហើយនៅហ្វីលីពីន»។
លោកស្រីអ៊ុក ម៉ាលី ទេសាភិបាលរងធនាគារជាតិនៃកម្ពុជាបានថ្លែងថាការបើកសាខារបស់ ធនាគារតៃវ៉ាន់ក្នុងប្រទេសកម្ពុជាកំពុងតែបញ្ជាក់ជំនឿចិត្តពីវិស័យ ឯកជនចូលមកក្នុងឧស្សាហកម្មធនាគារនិងហិរញ្ញវត្ថុរបស់កម្ពុជា។ លោកស្រីបន្តថាធនាគារនេះនឹងនាំមកនូវបច្ចេកវិទ្យាថ្មីអ្នកជំនាញ ថ្មីបង្កើតការងារថ្មីដើម្បីជួយដល់កំណើនសេដ្ឋកិច្ចរបស់កម្ពុជា។
លោក Ling-long Shen ថ្លែងថាធនាគារនេះមានបទពិសោធខាងឧស្សាហកម្មអង្ករក្នុងប្រទេស តៃវ៉ាន់ដូច្នេះការិយាល័យកណ្ដាលរបស់ធនាគារគ្រោងយុទ្ធសាស្ដ្រ ពាណិជ្ជកម្មមួយសម្រាប់ឲ្យត្រូវគ្នានឹងការអភិវឌ្ឍសេដ្ឋកិច្ច កម្ពុជា។ លោក Shen បានបន្តថា៖ «ក្រៅពីការបម្រើដល់អ្នកជំនួញជនជាតិតៃវ៉ាន់ក្នុងស្រុកវានឹង បង្កើនដល់អ្នកជំនួញនិងពាណិជ្ជករក្នុងស្រុករបស់កម្ពុជាផងដែរ»៕ដកស្រង់ពីភ្នំពេញប៉ុស៌្ត

Read more »

Business News

Radio/News Everyday

Please like us

Visitors

Sponsor

Free Ads

ប្តឹងទារសំណងពីគម្រោង៤២ជាន់

ប្រធាននាយកប្រតិបត្តិបង្ហាញពីភាពខ្លាំងនិងឈានមុខគេរបស់ធនាគារកាណាឌីយ៉ា

គ្រឹះស្ថានមីក្រូហិរញ្ញវត្ថុហត្ថាកសិករ រីករាយជាមួយជោគជ័យរបស់ខ្លួន

ANZ official on Cambodia’s banks

ក្រុមហ៊ុនតៃវ៉ាន់ នឹងចុះបញ្ចីក្នុងផ្សារហ៊ុនកម្ពុជាមុនការបោះឆ្នោត

អ្នកជំនាញបារម្ភពីការវាយប្រហារតាមប្រព័ន្ធកុំព្យូទ័រមកលើប្រព័ន្ធធនាគារ

នាយករដ្ឋមន្ត្រីបានរិះគន់សំណើរបស់បក្សប្រឆាំងដែលស្នើឲ្យធនាគារពាណិជ្ជបន្ទាបអត្រាការប្រាក់

Jobless Claims Key to Markets Thursday

Asia Stocks Head for Longest Winning Streak Since January

ការធ្លាក់ថ្លៃរូបិយប័ណ្ណយ៉េនជាអាវុធសម្រាប់ក្រុមហ៊ុនជប៉ុន

ធនាគារតៃវ៉ាន់ទីពីរបានបើកសាខារបស់ខ្លួននៅកម្ពុជា

Translate

ទីផ្សារភាគហ៊ុនអន្តរជាតិ

ពត័មានវត្ថុបញ្ចាំឬបំណុល

Latest Mortgage Stories

ការគណនា បណ្ណ័ដំកល់ប្រាក់

CD Rates Calculator

អត្រាប្តូរប្រាក់ធៀបនឹងដុល្លា

Archives

learn korean

Radio/News Everyday

Please like us

Visitors

Sponsor

Free Ads

Translate

ទីផ្សារភាគហ៊ុនអន្តរជាតិ

ពត័មានវត្ថុបញ្ចាំឬបំណុល

Latest Mortgage Stories

ការគណនា​ បណ្ណ័ដំកល់ប្រាក់

CD Rates Calculator

អត្រាប្តូរប្រាក់ធៀបនឹងដុល្លា

Archives

learn korean

ការគណនា បណ្ណ័ដំកល់ប្រាក់